6月28日(星期一) 晴

坐了十多個小時飛機，終於在早上七時到達倫敦Heathrow。但入境的人龍勁長，排了差不多一小時，才輪到我和poling過關。拿出了入讀central st. martins之證明文件後，只問了幾條問題便順利入境，相比其他counters之旅客，我想我們已算是快了，之前還怕會好像新聞報導的兩名香港旅客一樣給海關留難，要原機返港。當正準備出去時，隔離counter的海關人員叫停我，心感不妙。原來，她只是想我做翻譯，有位跟團來的阿叔級香港遊客完全不懂英文，所以想找我幫手。替他們翻譯後，終於開始我兩個月歐洲個人體驗之旅。

在機場，依指示轉了好多個圈終於到tube station。買了zone1-3的weekly pass(23GBP)，另補2.4GBP買了zone 5去zone 3之ticket(2.4 GBP)。便乘Piccadilly line到Green Park。然後再轉乘Jubilee line去Dollis Hill。在Green Park轉車時都幾辛苦，拖住個重22kg之行李，上上落落，又唔係所有地方有電梯，簡直想死。但我o地都算好彩，遲一日到便會遇著tube員工罷工。到達Dollis Hill後，一出車門，已感到陣陣涼風，好涷呀 :-Z....我只帶了一件勁薄外套，肯定頂唔順那麼凍的天氣。出了tube，行了約5分鐘終到了我們要住的地方。1星期95 GBP/semi-double room。是在昨日臨上飛機前打電話confirm的，事關之前預約好房間的房東臨時話唔租得俾我o地，咪話唔驚險。此屋主是印度人，很nice，雖然我o地唔係租B&B，但佢話我o地可以隨便食佢廚房之麵包及cornflakes，對於我o地呢d窮人簡直係天大喜訊。辦妥手續後，我和poling便決定在附近睇睇，然後再往Convent Garden。

一出Convent Garden，便見到街頭表演者及圍觀的人群。行了些店舖，也不覺得太特別或很正，間中見到好的價錢又好貴。在HSBC對面有間Tesco supermarket，價錢平。尤其是牛奶、乳酪等產品。在那裡買了2盒2 lit Peach Juice也只是1.5GBP。但唔知點解味道咁鹹。在橫街繼續行，行到去Palace Theatre，見有新musical - The Woman in White。但可惜是在8月28日時才上。那時我已經走了。再回Tesco買了點食物，便回到了Dollis Hill。吃了在Tesco買的microwave飯盒，已累到不得了，迅速梳洗後便立即在舒適的大床上訓到成隻死豬咁。