8月4日(星期三)晴
 |
 |
 |
 |
 |
早上9點起了身，10:30執好行李往火車站。在酒店外一間bar看到一個hotdog只售0.9euro，見咁平，即刻買了來做早餐。熱情的店主仲幫我們在店內影了張相留念。行行o下，見有間餐廳好有西班牙味，在門口影相，個老闆見我o地咁欣賞佢間鋪，便叫了我o地入去影。感覺Madrid的人較巴塞隆那的人nice及豪邁，而這裡的建築物也較巴塞隆那富傳統西班牙味。可惜我們只在這裡短短停留一晚就要走。希望下次可再來這個令人心情暢快的城市。12點去到火車站，依依不捨離開了馬德里。
 |
 |
 |
 |
今日天色很靚，沿途可見很多向日葵花田，可惜是大部分都謝了。差不多5點先到達Malaga。一出車站，真的給她嚇壞了，成個工業村咁，因在火車站沒有旅遊中心，搵了好耐，在巴士總站終找到了間細細個旅遊中心，但冇住宿資料提供。去火車站附近搵酒店，但其實好多所謂的酒店都是hostel，好"up" "dump"，但都要成65euro晚。最後，俾我o地好好彩，在間travel agency找到間3星級酒店，49euro晚，而且是在市中心。在等travel agency回覆時在隔離間小餐館買了有西班牙出名醃肉做餡的麵包(1.9euro)，都幾好味。跟著，就拖住個行李去酒店，一過了橋入市中心，成個感覺唔同哂，再唔似一個工業村。去到酒店，poling有位美男子服務員幫佢搬行李，wooOOoo，好羨慕呀!
 |
 |
 |
 |
 |
 |
 |
 |
擺低行李後就即刻出去玩，在這個像嘉年華的城市行行逛逛，好開心!見餓，就在一小巷裡的餐廳叫了6碟Tapas及同Malaga著名的傳統酒Sangria，加入了蘋果的Sangria很易入口，在炎熱的日子喝下份外舒服。而個薯仔沙律同個蝦Tapas極好味，我未曾試過食咁好味的薯仔沙律，yummy:-9，所以我o地忍唔住叫多碟較大size的薯仔沙律(通常Tapas有大、中、小size)來食。食緊野時，有人在附近表演唱歌，唱完後，就向客人要錢，來到我o地度時，佢將個結他放在我們面前，阻住我o地食野，硬要人俾錢，俾了1euro後，佢仲想問我o地逐個人要錢，對望了一陣，佢見我o地唔理佢先肯走人，但感覺佢唔係太有禮貌，好似奉旨咁。跟住仲攪笑，有個好似傻佬的人又表演，亂唱一通，要是他這也是表演，我也可以表演一下了。因費事再有d咁o既人影響食慾，即叫埋單，個伙計於是送上個生果盤俾我o地做甜品。點知，埋單一睇，要成40euro，點計都冇理由咁貴，一碟細Tapas都是1.8euro，Sangria也不貴，跟著我o地叫個伙計check單，佢見poling樽礦泉水唔係o係佢地到買，即扣5euro!!樽礦泉水值唔值5euro呀!我想個伙計是亂計的......西班牙餐廳的單又全是用人手寫，淨寫價錢，都唔知每個價錢係代表甚麼。個伙計這時就裝作著聽不懂英文，o依o依噢噢的，氣死我們>_<!!!算啦!呢餐都叫好味，但d Tapas好細碟，真係唔抵。見都夜，就回酒店訓個靚覺。