8月22日(星期日)晴
 |
 |
 |
 |
 |
8點起了身，本想食至愛的honey yogurt，點知發現唔見o左，而在垃圾埇發現了個吉o既honey yogurt盒，估可能係個意大利仔食o左，只好吃另一個牌子的walnut and honey yogurt，味道ok，但冇我食開的honey yogurt咁好味。9點幾先出門口，去了Southwark的OXO Tower。但去到乜都未開，只好在泰晤士河的河邊走走，靜靜享受一o下眼前美景。等到11點，地下的gallery終於開了，正展出一個關於女人雕塑的展覽。但可惜樓上的鋪頭仍未開，問了information的人，原來今日有個festival，所以好多鋪頭都唔會開門，那只好明日再o黎過。
 |
 |
然後乘tube往Old Street，想去White Cube睇展覽。經過間賣shawarma的鋪頭，見餓，於是用2.7GBP買了個細size的chicken doner，雖然係細size，但那怕羞又好人的店員將雞肉及雜菜放得滿滿在個包裡面，跟本都食唔哂。行出店外，有個自稱是瑞典人的傢伙同我搭訕，又話自己今日在英國係最後一日.....都唔知點解好多地方o的男人同人搭訕都話自己係在當地最後一日，一d新意都冇:-S....用埋咁舊o既橋。拒絕他的邀約後，.又有另一個英國人問我去邊，點解呢區特別多搭訕者，最攪笑仲有人問我路...問我個鮮花market o係邊~~~喂!一睇我就知我係遊客啦!
 |
 |
 |
 |
 |
 |
去到Hoxon Square，牆上有好多塗鴉，見到White Cube，但可惜又係冇開:-S。在附近行，見到好多人拎住鮮花，原來剛剛那人問的Columbia Road Flower Market就在不遠處，但自己對鮮花興趣不太大，而且個market在2點前就完，結果都係冇去。繼續在附近行，見到一間叫no. one的cafe，有好多隻假手掛o係度做display，都幾得意，而佢隔離間鋪頭都幾型o下，賣d衫亦ok，只是我的荷包唔ok，冇$$買。再在這區多逗留了一回，就乘車去Tate Britian (Gallery)，館內有著名的姊妹花作品。
行完後，在佢間gift shop買了明信片，這時已4點，即刻行埋去附近的Science Museum。裡面的展品幾吸引。玩了個concentration的game，我得了44/45分呢，令排在我之前玩只得26分的英國人目瞪口呆，哈哈!行到關門時間，在tube station前的便利店買了支1L蘋果汁(1.09GBP)，但不用一陣就飲哂。
回到Dollis
Hill時已7點。但當我按門鐘時竟沒人應門。再按了門鈴兩次，但依然冇反應。只好坐在屋前的矮身圍牆上等Saylor返。見到隻灰白間條貓行過，但係唔騷人。坐坐o下，隔離屋的老婦帶她那半聾的狗走了出來，和她傾談了一回，再試試按門鈴，終於Saylor開了門，原來他之前睡著了....害我在出面門口吃西北風半小時呢:'-(!!!差唔多8點poling回來，煮了pasta及好味的BB椒做晚餐。今晚與他們看了套恐佈片才入睡。