8月26日(星期四)雨
 |
 |
 |
 |
9點多起了身，最後一天吃我最愛的honey yogurt做早餐，便開始執行李。因為之前買了幾多易碎物品，所以花了唔少時間包好那些手信。用了成朝先執好行李。此時已成1點幾，見剩很少時間，便立刻往tube station，買了off-peak 1 day pass(4.7GBP)，乘車往Convent Garden，直奔Paul買了幾盒macaroon做手信，然後再搭車去Piccadilly Circus，行了Carnaby，及到Liberty買了些精緻的手信給朋友。
行到5點多，匆忙趕回到Dollis
Hill，梳洗後就pack埋d手信落luggage，時間真係剛剛好，我們召的車剛好到，真係要多謝Saylor，幫我o地call了架車，之前講好價用15GBP到機場。在車上看著美麗的黃昏景色，好唔捨得。
到了機場，辦了登機手續，個英航空姐好好人，我o地行李都超重，我的有成23kg，而poling的則接近30kg，但佢都冇charge我o地附加費。再去退稅後，就輕鬆的看看還有沒有手信買，在Harrods等手信店行了一回，已差唔多到關門時間，匆匆買多幾樣手信俾人，就排隊上機。上到機，先知自己及poling被安排坐在正中間位，好奇怪的是夾著我o地坐的是一對英國夫婦，佢o地一左一右坐在路邊位.....真係....問佢o地洗唔洗一齊坐佢o地又話唔洗，攪到我o地兩個坐得好辛苦。最攪笑係，我坐低後打了個電話給男友，然後就關掉手提電話，個太太好驚死(當我係大鄉里-_-")，叫我要關個手機wor!!!真係得啖笑。其實我知佢o地咁mark位係為了冇人會坐在中間，咁佢兩個人就可霸哂四張座位o黎訓覺，點知地勤那邊又安排了我o地坐在佢o地中間...當有空姐行過，佢即刻問近窗那行空位可唔可以坐，空姐當然答佢上哂人後冇人坐的就可以。上哂人後，佢即刻第一時間霸了那邊座位，但坐坐o下可能都係覺得四個位好d，所以就「好好人」讓o個排位俾我o地。飛機10點幾起飛，終於離開歐洲，完成我這個60日的旅程。